لأنك غالية - (4) الوردة الرابعة: أنتِ جوهرة غالية، أنتِ لؤلؤة جميلة، أين شكر النعمة.
منذ 2015-01-15
ليه بترخصي نفسك يا أختي؟! إيه اللي يستاهل علشان تعملي كده؟!
أنتِ جوهرة غالية:
وعلشان كده، ربنا أمرك بالحجاب والستر، علشان يحفظك ويصونك.
أنتِ لؤلؤة جميلة:
وعلشان كده ربنا أمرك بعدم الخضوع في القول، وعدم الكلام مع الرجال إلا للضرورة، علشان تفضلي غالية.
في بلاد الغرب وأوربا، المرأة عندهم سلعة رخيصة أوي، قيمتها في العري، و الشهوة وبس!
وأنتِ بعد كل التكريم ده!
ليه رضيتي تبقي سلعة مكشوفة، الكل يبيع فيها ويشتري!
ليه بترخصي نفسك يا أختي؟! إيه اللي يستاهل علشان تعملي كده؟!
هو ده شكر ربنا على نعمة الإسلام؟!
شكر النعمة أنكِ تمشي على الموضة، وتخرجي بلبس ضيق!
وترجعي تقولي أنا بحب ربنا؟!
شكر النعمة أنكِ تكلمي ده، وتخرجي مع ده، وتتصاحبي مع ده، وتقولي أنا محترمة؟!
شكر النعمة إنك تفرّطي في الصلاة، وتهجري القرآن؟!
وتبعدي عن سنة حبيبك النبي؟!
المصدر: خاص بموقع طريق الإسلام
