حكايات الحاجة - البخاري (1)

منذ 2015-03-29

البخاري كله صحيح.. تعليقات بالعامية في حكايات الحاجة عن ما يتم إثارته من بعض السفهاء حول صحيح البخاري..

- يا بنتي البخاري ده فيه غلطات عشان فيه معلقات.
- جبتي منين الكلمة دي يا حجة؟ّ!
- ما هم إللي قالولي.
- يعني إيه معلقات يا حجة؟
- يعني باين كدة نجف مكسور يا بنتي؟

المعلقات دي يعني نقل كلام عن النبي أو الصحابي مباشرة من غير سند، فيقول وقال ابن مسعود كذا أو وقال النبي كذا من غير ما ينقل السند كاملاً..

جدير بالذكر أن كل معلقات البخاري صحيحة..
بس مش في نفس درجة الأحاديث إللي في متن صحيح البخاري..
يعني عشان تعرفوا دقة الناس دي.. صحة الأحاديث درجات كمان مش أي لعب عيال..
والبخاري مساواش بين الأحاديث الصحيحة في متنه وبين المعلقات، عشان كدة علق دول.

لكن وعشان برضه نفهم أن الموضوع مش تهريج.. وأن كتاب البخاري اعتنى به العلماء عناية كبيرة ودققوه وفحصوه ومحصوه، قام (ابن حجر) بجمع أسانيد المعلقات في البخاري في كتاب، وأثبت أن معلقات البخاري صحيحة في كتاب اسمه تغليق التعليق.